CEN
ស្វែង សុជាតា តារា ទឹកភ្នែក បើកហាង នៅ សៀមរាប បន្ទាប់ពី ថត ភាពយន្ត បាន ជាង ១០០ រឿង និង ជាតា រា កាច ឆ្នាស់ ក្លាយជា ម្ចាស់ ភោ ជនី ដ្ឋា ន
នេះជាជីវិតក្នុងភាពយន្តរបស់ស្វែង សុជាតាដែលបានថតភាពយន្តរហូតដល់ជាង១០០រឿងហើយចាប់តាំងពីប្រឡូកនៅក្នុងវិស័យសិល្បះ។ជាមួយនឹងការគិតគូរអំពីអនាគត សុជាតាបានបើកភោជនីយដ្ឋានមួយកន្លែងនៅខេត្តសៀមរាប។ស្វែង សុជាតា តារាទឹកភ្នែក និងជាតារាកាចឆ្នាស់ឆ្នើម ក្នុងខ្សែភាពយន្តខ្នាតធំ និងភាពយន្តភាគតាមទូរទស្សន៍នានា ដែលជោគជ័យ ក្នុងអាជីពសិល្បៈ និងមុខរបរ តែអភ័ព្វស្នេហ៍ ធ្លាប់រងគ្រោះដោយគ្រាប់កើភ្លើង ពេលនេះក្លាយជាម្ចាស់ភោជនីយដ្ឋាន យីហោ ៨៨៨៨ ខេត្តសៀមរាប។ នាងបានមកកាន់ក្រុងភ្នំពេញ នៅឆ្នាំ១៩៩៧ ហើយនៅឆ្នាំ២០០០ អ្នកនាងចូលហ្វឹកហាត់ សម្តែងនៅក្លឹបសិល្បៈ ខ្មែរអន្តរជាតិ (K.I.C) និងក្លឹបសិល្បៈ ក្វាន់ទុង ហើយក៏បានចេញសម្តែង ថតស្ប៉តពាណិជ្ជកម្ម បែបអប់រំ និងថតចំរៀងកាយវិការខាឬា់អូខេ នឹងបានចូលរួមថតភាពយន្តផងដែរ។ ដំបូងអ្នកនាងបានថត ស្ប៉ត ពាណិជ្ជកម្មបែបអប់រំសុខភាព និងបន្តទៅសម្តែង រឿង តេជោដំឌិន និងរឿងជាច្រើនទៀតបានប្រហែលជាង១០០រឿង ក្នុងនោះក៏មានរឿង ស្តេចកូនដំរីស រឿង មហាចោរទល់ដែន។ រឿងទាំងអស់ភាគច្រើន អ្នកនាងសម្តែងជាតួទឹកភ្នែក និងតួឆ្នាស់ឆ្នើម ហើយរឿងដែលធ្វើឲ្យប្រិយមិត្តទស្សនិកជនទទួលស្គាល់គាំទ្រច្រើន មានដូចជារឿង តេជោដំឌិន រឿង មរណៈមាតា (ត្រីដំរីមាស) រឿង ចៅក្តាមស្រង៉ែ។ ភាពយន្តភាគថ្មីៗនេះមាន រឿង រលកជីវិត រឿង នាងឈូកស រឿង សេដ្ឋីវ័យក្មេង និងមានជាច្រើនរឿងទៀត។ អ្នកនាងបន្តថា នៅក្នុងឆ្នាំ២០១២នេះ នាងជាប់រវល់រកស៊ីបន្តិចបន្តួចមិនសូវបានថតទេ តែសព្វថ្ងៃកំពុងសម្តែងភាពយន្តចុងក្រោយមួយរឿង “សង្សារខ្ញុំអាប ”ដោយអ្នកនាងសម្តែងជាតួអាប។ ដោយសារវ័យកាន់តែច្រើន ក៏ពង្រីកអាជីពពីអ្នកសិល្បៈ មកបើកភោជនីដ្ឋាននៅឯខេត្តសៀមរាប ដែលមានយីហោ “ ព្រឹកនឹកល្ងាចនឹក ៨៨៨៨” កាលពីដើមឆ្នាំ២០១២។ អ្នកនាងក៏ធ្លាប់បានចេញទៅសម្តែងច្រៀងនៅប្រទេសមួយចំនួន ប៉ែកអឺរ៉ុប ដូចជា បារាំង ហូល្លង់ ប៊ែលហ្សិក អាឡឺម៉ង់ ស្វីស ជាដើម។ ឆ្នាំនេះកំពុងត្រៀមចេញទៅសម្តែងច្រៀងនៅឯប្រទេសបារាំងម្តងទៀត។ ចំពោះជីវិតស្នេហា អ្នកនាងបន្តថា “ រឿងកន្លងផុតទៅហើយ ខ្ញុំមិនរម្លឹកទៀតទេ ព្រោះនាំឲ្យឈឺចាប់”។នាងខ្ញុំធ្លាប់រៀបការ មានគ្រួសារ កាលពីអំឡុង ឆ្នាំ២០០០-២០០១ មកតែបានចែកផ្លូវគ្នា(លែងលះទៅតាមផ្លូវច្បាប់កាលពីឆ្នាំ២០១០) ដោយបន្សល់ទុកកូនប្រុស២នាក់។ ក្រោយពីក្លាយជាស្ត្រីមេម៉ាយមកប៉ុន្មានជាង២ឆ្នាំ មានពាក្យចចារអារាមជាច្រើនដូចជា អ្នកនាងមានស្នេហាជាមួយថៅកែ ជនជាតិ សាំងហ្គាពួ តាមFacebook និងឮថានាងមានស្នេហាជាមួយមន្ត្រីប៉េអឹមម្នាក់នៅខេត្តសៀមរាប ហើយគេមានភាគហ៊ុនជាមួយនាង ក្នុងការបើភោជនីយដ្ឋាន ទៀតផង ។តែរឿងនេះត្រូវអ្នកនាង បដិសេធថា មិនអាចមានរឿងកើតឡើងដូចពាក្យចរចាមអារាមនោះទេ ព្រោះថា នាងលែងគិតរឿងស្នេហាហើយ ព្រោះនាង រាងចាលហើយ ប្រុសៗ ។រឿងនេះគេចេះតែបង្ខូចឈ្មោះនាង។ ស្វែង សុជាតា បាននិយាយថា ឆ្នាំនេះនាងមានអាយុ៣២ឆ្នាំហើយ។នាងមានស្រុកកំណើតនៅភូមិត្នោត ឃុំរកា ស្រុកពារាំង ខេត្តព្រៃវែង។ ឪពុកឈ្មោះ សោម ស្វែង ជាសាស្ត្រចារ្យ ភាសារបារាំង ម្តាយឈ្មោះ ជា ផង់ ជាមេផ្ទះ។ អ្នកនាងមានបងប្អូន៣នាក់ ប្រុសម្នាក់ អ្នកនាងជាកូនពៅ។
No comments:
Post a Comment