នាងបន្តថា “ការពិត ក៏មានស្ថានីយទូរទស្សន៍២ អញ្ជើញខ្ញុំឱ្យឡើងច្រៀង និងសម្ភាសន៍ដែរ មានប៉ុស្តិ៍លេខ១១ និងប៉ុស្តិ៍លេខ៥ ប៉ុន្តែ ក្រោយពេលខ្ញុំត្រឡប់មកពីសម្តែងនៅអូស្ត្រាលី ខ្ញុំមានជំងឺផ្តាសាយធំ និងរលាកបំពង់ក ដូច្នេះ ខ្ញុំត្រូវពន្យារពេលឡើងប៉ុស្តិ៍ មួយរយៈទៀតសិន។ ម្យ៉ាង ក៏ចង់ឱ្យរឿងហ្នឹងស្ងប់ស្ងាត់បន្តិចទៀតដែរ ទើបបង្ហាញមុខ”។ បើទោះបី ឆៃ លីដាឡែន គ្មានសកម្មភាពសម្តែងក្នុងស្រុក តែនាងមានទីផ្សារកក្រើក ទៅឯបរទេស ដែលនៅថ្ងៃទី០៧ សីហា ខាងមុខ នេះ នាងនឹងចេញទៅសម្តែងនៅប្រទេសជប៉ុន ចំនួន៣សប្តាហ៍ ជាមួយលោករតនៈ វិសិដ្ឋ និងតារាមួយចំនួនទៀត។តារាដែលមានដើមកំណើតនៅខេត្តបាត់ដំបង រូបនេះ បញ្ជាក់ថា នាងទៅជប៉ុន លើកនេះ បានហាត់សមបទពីដើមៗ និងត្រៀមសម្លៀកបំពាក់បែបប្រពៃណីខ្មែរ ជាច្រើនកំប្លេ ។ ពោលគឺមិនហ៊ានស្លៀកពាក់សិចស៊ី រហូតមានការរិះគន់ ជាលើកទី២ នោះទេ ត្បិតអីកំហុសអចេតនា នៅលើ ទឹកដីអាមេរិក ជាមេរៀនជីវិត ដែលនាងមិនអាច បំភ្លេចបាន។ឆៃ លីដាឡែន នៅបាននិយាយថា បើទស្សនិកជន នៅតែគាំទ្រ ផ្តល់កម្លាំងចិត្ត នាងនៅតែប្រឡូកសិល្បៈ បង្កើនភាពសប្បាយរីករាយដល់ទស្សនិកជន ណាមួយ សិល្បៈ គឺជាត្រួយជីវិតរបស់នាង ទើបមិនចង់ឃ្លាតឆ្ងាយមួយជំហានណាឡើយ៕ ដោយៈ សុភា
No comments:
Post a Comment