Wednesday, June 6, 2012
បវរកញ្ញាមកពី រ៉ូដអាយស្លែនដ៍ ជាជ័យលាភីគ្រងម្កុដ Miss America
source: vorakchun
ប្រភពព័ត៌មានបរទេសបានរាយការណ៍ថា ការប្រកួតបវរកញ្ញាអាមេរិកលើកទី៦១ ប្រចាំឆ្នាំ ២០១២ បានបញ្ចប់ហើយក្រោយពីឆ្លងកាត់វគ្គជម្រុះជាច្រើនដំណាក់កាលមក ទីបំផុតគណៈកម្មការបានរកឃើញថា នាង អូលីវើរ ឃូលប៉ូ ស្រីស្រស់មកពីរដ្ឋ រ៉ូដ អាយស្លែនដ៍ ជានិស្សិតនៃសាកលវិទ្យាល័យបូស្តុនមានសមត្ថភាពពិតៗក្នុងការដណ្តើមម្កុដទៅគ្រប់គ្រងបានសម្រេចដោយមានជោគជ័យលើបេក្ខនារីស្អាតៗ ៥០នាក់ ផ្សេងទៀត ក្នុងការប្រកួតនៅវេទិកា ឡាស វេហ្កាស។
ចំណែកសាមីខ្លួនបង្ហាញទស្សនៈគាំទ្រលើបញ្ហាដែលឲ្យបុរសកែភេទ ឬស្ត្រីកែភេទអាចចូលរួមដណ្តើមម្កុដបវរកញ្ញាចក្រវាឡបាន ព្រោះនាងយល់ថា បច្ចុប្បន្ននេះ ប្រទេសជាច្រើនទូទាំងពិភពលោកនិយមធ្វើការវះកាត់កែសម្ផស្សហើយមានមនុស្សមិនតិចឡើយដែលវះកាត់ដើម្បីកែប្រែជីវិតរបស់ខ្លួនឲ្យបានប្រសើរឡើង ហេតុនេះទើបនាងទទួលយកចំណុចទាំងនេះ ព្រោះនាងជឿថា សហរដ្ឋអាមេរិក គឺជាប្រទេសសេរី។ ជាងនេះទៀតនាងបញ្ជាក់ថា បុគ្គលដែលនាងស្រមៃចង់យកគំរូតាមគឺ អូដ្រេយ៍ ហែបប្រ៊ើន តារាអមតៈរបស់ហូលីវូដ៕ប្រភពពី AFP
Subscribe to:
Post Comments (Atom)
No comments:
Post a Comment