Sunday, April 26, 2015
ប្រវត្តិលោក ចែម ចាន់ដារ៉ា ហៅនាយពែកមី
រៀបរៀងដោយ៖ យូ សារាវុឍ្ឍ Sunday 26 April 2015 - 10:00 am - ផ្សាយក្នុងផ្នែក ៖ ខ្សែជីវិតពិត ព័ត៌មានទូទៅ peakmeលោក ចែម ចាន់ដារ៉ា ឬនាយពែកមី គឺជាតារាកំប្លែងរបស់បណ្តាញស្ថានីយ៍ទូរទស្សន៍CTN និងកំពុងទទួលបានការគាំទ្រជាខ្លាំងពីសំណាក់មហាជនទាំងចាស់ក្មេងតាមរយៈទេពកោសល្យនិយាយកំប្លុកកំប្លែងដ៏ប៉ិនប្រសព្វរបស់លោក។ នាយពែកមី ពីកូនកសិករ និងជាអតីតកម្មករសំណង់ ក្លាយមកជា តារាកំប្លែងល្បីល្បាញមួយរូបក្នុងព្រះរាជាណាចក្រកម្ពុជា។
១.ប្រវត្តិ លោក ចែម ចាន់ដារ៉ា ហៅនាយពែកមី កើតនៅថ្ងៃទី០១ ខែកក្កដា ឆ្នាំ១៩៨១នៅភូមិពពែត ឃុំពពែត ស្រុកស្វាយទាប ខេត្តស្វាយរៀង។ នាយជាកូនច្បងក្នុងចំណោមបងប្អូន៧នាក់(ប្រុស៥ស្រី២)ដែលមានឪពុកឈ្មោះ ងួន សារឹម ជាកសិករ ម្តាយឈ្មោះ ស៊ឹម ស៊ីម៉ាន ជាកសិករ។ នាយពែកមីក៏មានប្អូនប្រុសម្នាក់ឈ្មោះ ចែម សារឿន ហៅនាយ គ្រឿន ដែលមាននិស្ស័យខាងសិល្បៈ និងបានចូលរួមកំប្លែងនៅក្នុងក្រុមរបស់នាយផងដែរ។ ២.ការសិក្សា លោក ចែម ចាន់ដារ៉ា ត្រូវបានឪពុកម្តាយបញ្ជូនឲ្យចូលសិក្សានៅសាលាបឋមសិក្សាថ្នល់កែងចាប់តាំងពីអាយុ៦ឆ្នាំហើយនៅឆ្នាំ១៩៩៣ នាយក៏បានសិក្សាបន្តនៅអនុវិទ្យាល័យជីភូស្ថិតនៅស្រុកស្វាយទាប ខេត្តស្វាយរៀង ប៉ុន្តែដោយសារសាលានៅឆ្ងាយពីផ្ទះជាង១០គីឡូម៉ែត្រ និងគ្មានមធ្យោបាយធ្វើដំណើរផងនោះ នាយក៏បង្ខំចិត្តឈប់សិក្សាត្រឹមថ្នាក់ទី៩ ដោយងាកមកបំរើខាងព្រះពុទ្ធសាសនាបួសជាព្រះសង្ឃនៅវត្តសុវណ្ណរង្សីនៅស្រុកកំណើតរបស់ខ្លួន។ ៣.ការក្លាយជាតារា នាយពែកមី មាននិស្ស័យខាងសិល្បៈតាំងតែពីតូចម្ល៉េះ គឺស្រលាញ់ផ្នែកចម្រៀង ហើយក៏ធ្លាប់ដាក់ពាក្យប្រឡងចម្រៀងនៅទូរទស្សន៍ប៉ុស្តិ៍លេខ៩កាលពីអំឡុងឆ្នាំ២០០០ម្តងដែរ តែសំណាងមិនល្អត្រូវធ្លាក់ដោយស្វ័យប្រវត្តិពោលគឺចាប់តាំងពីធ្វើតេស្តលើកដំបូងម្ល៉េះ។ ចាប់តាំងពីពេលនោះមក ពែកមី មិនធ្លាប់រំពឹងថា នឹងបានក្លាយជាអ្នកសិល្បៈតាមការស្រមើស្រមៃនោះឡើយ។ ទើបនៅឆ្នាំ២០០៩ស្ថានីយទូរទស្សន៍CTNបានជ្រើសរើសតារាកំប្លែងតាមរយៈកម្មវិធី«មហាកំប្លែង»ហើយនាយពែកមីក៏មានឱកាសដាក់ពាក្យប្រឡងប្រជែងរហូតឆ្លងកាត់ការជម្រុះ៥វគ្គ និងបានជាប់ដោយជោគជ័យរួចក៏បានក្លាយជាតារាកំប្លែងប្រចាំស្ថានីយទូរទស្សន៍CTN។ ៤.ជីវិតគ្រួសារ នាយពែកមី បានរៀបការនៅឆ្នាំ២០០៨ ជាមួយនារីជាកម្មការិនីកាត់ដេរឈ្មោះ ជា សុធីម ហៅ ច្រិប បច្ចុប្បន្នមានវ័យ២៤ឆ្នាំ (២០១១)។ នាងជាកូនអ្នកចំការមានស្រុកកំណើតនៅអ្នកលឿង ខេត្តព្រៃវែង។ នាយមានកូនពីរនាក់ជាចំណងដៃនៃអាពាហ៍ពិពាហ៍។ កូនស្រីច្បងឈ្មោះ រឹម សុរ៉ាស៊ី វ័យ២ឆ្នាំ និងកូននៅក្នុងផ្ទៃទើបមានអាយុ៥ខែនៅឡើយ។ ពែកមីមិនមានគម្រោងយកបុត្របន្ថែមទៀតទេ បើទោះបីជាកូនទីពីរប្រសូត្រមកប្រុសឬស្រីក្តី។ ៥.ស្នាដៃ ពែកមី បន្ថែមថា នាយអត់បានដឹងថា ខ្លួនឯងមានទេពកោសល្យខាងផ្នែកកំប្លែងនោះទេ ត្បិតតាំងពីតូចចូលចិត្តតែខាងច្រៀង។ ប៉ុន្តែតារាកំប្លែងរូបនេះក៏ជាបុគ្គលចូលចិត្តខាងតែងនិពន្ធផងដែរ។ ជាងនេះទៅទៀតនាយជាមនុស្សរប៉ិលរប៉ូចចូលចិត្តនិយាយប្រូឲ្យគេសើច។ នាយពែកមី ចាប់ផ្តើមមានឈ្មោះបោះសម្លេងតារយៈរឿងកំប្លែង«ថាងចេង»ហើយកាន់តែល្បីល្បាញទៀតនោះនៅពេលនាយបាននិពន្ធកំណាព្យកំប្លែងជាច្រើនដែលត្រូវបានអ្នកគាំទ្របាញ់ប្លូធូសតៗគ្នារួមមានកំណាព្យ «ទំនួញឆ្កែ» «ច្បាប់ផឹកស៊ី» «ច្បាប់សុំទាន» «លក់ថ្នាំស្រែង» «អង្វរម៉ែក្មេក»…។ ទស្សនាវីដេអូរបស់ នាយពែកមី ពែកមី លាតត្រដាងជីវិតពិតតាមបទចម្រៀង។ នេះជាឃ្លាមួយនៅក្នុងបទ “ជីវិតអ្នកកំប្លែង” ដែលសរសេរទំនុកច្រៀង ដោយនាយពែកមី …
Subscribe to:
Post Comments (Atom)
No comments:
Post a Comment