vorakchun
ភ្នំពេញ៖ បន្ទាប់ពីបណ្តាញព័ត៌មានក្នុងស្រុកជាច្រើនបានផ្សព្វផ្សាយថា កំពូលតារាសម្តែងសិចស៊ី កញ្ញា វ៉ាង ស្រីណូ មានជំងឺមហារីកសុដន់ ហើយត្រូវចេញទៅព្យាបាលនៅឯប្រទេសវៀតណាមស្ងាត់ៗមក គេមិនបានឃើញវត្តមាន វ៉ាង ស្រីណូ ចេញមុខមកស្រាយបំភ្លឺទេ ប៉ុន្តែនៅយប់រៀបអាពាហ៍ពិពាហ៍របស់តារាសម្តែង លោក ស៊ុក សុភា កាលពីថ្ងៃទី២២ ខែមិថុនា ឆ្នាំ២០១២ ក៏ស្រាប់តែ លេចវត្តមាននាង បង្ហាញខ្លួនជាមួយនឹងសម្រស់ផូរផង់ សាច់ឈាមភ្លឺថ្លា ដែលសបញ្ជាក់ថា នាងមិនមានជំងឺអ្វីដូចដែលពាក្យចចាមអារ៉ាមបានលេចឮ នោះទេ។
កាលពីពេលកន្លងទៅ បានលេចឮពាក្យចចាមអារ៉ាមថា កញ្ញា វ៉ាង ស្រីណូ មានជំងឺមហារីកសុដន់ ហើយត្រូវចេញទៅព្យាបាលនៅឯប្រទេសវៀតណាមស្ងាត់ៗទៀតផង។ ប៉ុន្តែ វ៉ាង ស្រីណូ បានធ្វើឲ្យ គ្រប់ៗគ្នាបើកភ្នែកធំៗ បន្ទាប់ពីនាងបានបង្ហាញវត្តមាន នៅយប់រៀបការលោក ស៊ុក សុភា កាល ថ្ងៃទី២២ ខែមិថុនា ឆ្នាំ២០១២ កន្លងទៅ បានធ្វើឲ្យភ្ញៀវជាច្រើនមានការភ្ញាក់ផ្អើលយ៉ាងខ្លាំង ពិសេសអ្នកសិល្បៈ ខណៈដែលមុននេះល្បីថា នាងមានជំងឺមហារីកសុដន់យ៉ាងធ្ងន់ធ្ងរ និងត្រូវចេញទៅព្យាបាលយ៉ាងស្ងៀមស្ងាត់នៅឯប្រទេសវៀតណាម។ ផ្ទុយទៅវិញ ក្រោយពេលនាងបង្ហាញវត្តមានក្នុងទឹកមុខស្រស់ថ្លានិងមានសម្រស់ផូរផង់ មិនដូចមនុស្សមានជំងឺនោះ បែរជាធ្វើឲ្យគេគ្រប់គ្នាសន្និដ្ឋានថា នាងប្រហែលជាមិនមានជំងឺមហារីកសុដន់ធ្ងន់ធ្ងរ ដូចដែលពាក្យចចាមអារ៉ាមបាននិយាយនិងសារព័ត៌មានបានចុះផ្សាយនោះទេ។
នៅក្នុងឱកាសដែល វ៉ាង ស្រីណូ បង្ហាញខ្លួននេះគ្មានអ្នកសារព័ត៌មានណាអាចត្រូវបានអនុញ្ញាតឲ្យសាកសួរពីសុខទុក្ខនាងទេខណៈដែលតារារូបនេះកំពុងតែសប្បាយចិត្តដណ្តើមបានបាច់ផ្កាដែលគេបោះផ្សងរកគូ នៅក្នុងពិធីមង្គលការ ស៊ុក សុភា នោះ។ កន្លងមកតារាសិចស៊ីរូបនេះមានវិធានការតឹងតែងណាស់ចំពោះអ្នកសារព័ត៌មាន បើចង់សម្ភាសនាង ត្រូវតែដាក់សំនួរជូនទៅនាងមុន។ក្រោយពីដណ្តើមបានបាច់ផ្កាផ្សងរកគូ យកមកឱបជាប់ទ្រូង ស្រីណូ និយាយទាំងស្នាមញញឹមរីករាយទៅរកអ្នកសិល្បៈគ្រប់គ្នាថា នាងប្រហែលជាជិតដល់គូហើយ ដ្បិតអីពេលនេះ នាងដណ្តើមបានបាច់ផ្កាផ្សងរកគូ ដែលធ្លាក់មកលើដៃនាង។
ទន្ទឹមនឹងការអះអាងរបស់ វ៉ាង ស្រីណូ ដែលថា ខ្លួននាងជិតដល់គូនេះ ក៏ស្របពេលនឹងការលេចឮថា នាងកំពុងមានទំនាក់ទំនងស្នេហាជាមួយបុរសអាណិកជនរស់នៅអាមេរិកម្នាក់ ដែលបានបង្កាត់ភ្លើងស្នេហ៍ជាមួយគ្នាជិត២ឆ្នាំមកនោះ។ទោះជាយ៉ាងណា មហាជនជាច្រើនក៏បានសាទរចំពោះវត្តមានរបស់ វ៉ាង ស្រីណូ ដែលបានបង្ហាញខ្លួនក្នុងមង្គលការរបស់លោក ស៊ុក សុភា ដោយនាងមានសុខភាពល្អ និងសាច់ឈាមភ្លឺថា ដែលអាចលុបបំបាត់ពាក្យចចាមអារ៉ាមទាំងអម្បាលមាណ ឲ្យសាបរលាបចប់សព្វគ្រប់ត្រឹមយប់នោះ៕ ដោយ៖ សុភា
No comments:
Post a Comment