CEN
(ថ្ងៃទី 26 មិថុនា 2012, ម៉ោង 07:45:AM) | ដោយ: តារារស្មី
ភ្នំពេញ: កញ្ញា មាន សូនីតា ក្នុងវ័យ២២ ពេលនេះបានក្លាយជាតួឯក ក្នុងរឿង “នាយឡប់ជំពប់ស្នេហ៍” ដែលនឹងបញ្ចាំងនៅតាមរោងភាពយន្តនាពេលឆាប់ៗខាងមុខនេះ។ ប៉ុន្តែនាងនិយាយថា ចំពោះជីវិតស្នេហាគឺបេះដូងរបស់នាងនៅស្អាតស្អំល្អណាស់។
ក្នុងបទសម្ភាសន៍ជាមួយវេបសាយ CEN នាងបានបានរៀបរាប់អំពីជីវិតនៅក្នុងសិល្បៈក៏ដូចជាជីវិតស្នេហារបស់នាង។
សូនីតា បាននិយាយថា នេះជាលើកទី១ ក្នុងជីវិតសិល្បៈភាពយន្តរបស់នាងហើយ។តារាភាពយន្ត ដោយបានចូលរួមសម្តែងក្នុងភាពយន្តបែបបាញ់ប្រហារ ស្នេហា ត្រីកោណ និងបែបកំប្លែងនោះ គឺរឿង “នាយឡប់ជំពប់ស្នេហ៍” ចាប់តាំងពីពេលនាងក្លាយជាហ្វ្រេស៊ីហ្គឺល លេខបួន កាលពីឆ្នាំ២០០៩។
ដូច្នេះនាងកំពុងសង្ឃឹមថាខ្សែភាពយន្តដែលនឹងចាប់ផ្តើមបញ្ចាំងនៅថ្ងៃទី១២ខែកក្កដានៅរោងភាពយន្តលុច្សនិងរោងភាពយន្តសូរីយ៉ានោះ នឹងអាចធ្វើឲ្យនាងកាន់តែមានប្រជាប្រិយភាព។
នាងគ្រាន់តែជាតារាសម្តែងថតកាយវិការ ខារ៉ាអូខេ ឲ្យផលិតកម្ម រស្មីហង្សមាស និងផលិតកម្មក្រៅប្រទេសមួយចំនួនប៉ុណ្ណោះ មុនពេលថតខ្សែភាពយន្តនេះ។
ចំពោះជីវិតស្នេហា សូនីតា បានបង្ហាញពីភាពស្អាតស្អំរបស់នាង ដោយនិយាយថា នាងមិនមានទាន់ជាប់ចំណងស្នេហាជាមួយបុរសណាម្នាក់ឡើយ។
នាងជាអ្នកស្រុកខេត្តកំពង់ចាម មានឪពុកឈ្មោះ ស្រី សង្ហា ជាកងទ័ព ម្តាយឈ្មោះ នួន ហេងលាភ ធ្វើការនៅអង្គការក្រៅរដ្ឋាភិបាល។ នាងមានបងប្អូនស្រី២នាក់ ហើយនាងជាកូនពៅ។ នាងមករស់នៅក្នុងទីក្រុងភ្នំពេញនាឆ្នាំ ១៩៩៨ ហើយបានកំពុងបន្តការសិក្សាថ្នាក់បរិញ្ញាបត្រ ឆ្នាំទី៣ ផ្នែកទីផ្សារ៕ S
No comments:
Post a Comment