vorakchun
ភ្នំពេញ ៖ នាងលាភ គឺជាតារាកំប្លែងមួយរូបដែលគេចាប់អារម្មណ៍ថា គឺជាអ្នកចូលខ្លួនមកជំនួសតំណែង នាង លន់ ដាណេ បន្ទាប់ពីនាង ដាណេ បានបាយៗក្រុមរបស់នាយក្រឹមទៅធ្វើជាថៅកែភោជនីយដ្ឋានមួយនៅសង្កាត់បឹងព្រលិត ដោយនាងបានប្រកាសថា មិនវិលត្រលប់ចូលចាប់អាជីពចាស់វិញទេ ។ ខណៈដែល លន់ ដាណេ បានចាកចេញ ពីក្រុមរបស់នាយក្រឹមហើយនោះ នាយក្រឹម ក៏បានធ្វើការជ្រើសរើសដោយសម្លឹងឃើញកញ្ញា គង់ ចាន់ស៊ីណា ហៅ នាង លាភ ឱ្យជំនួសតំណែងនាង ដាណេ តែម្ដង ។
នាយក្រឹមបានបណ្ដុះបណ្ដាលនាងលាភ ដូចកាលដែលលោកបណ្ដុះបណ្ដាល នាងដាណេ ផងដែរ ។ ពេលនេះនាងលាភ កំពុងឈរលើមុខតំណែងគ្រាន់បើហើយមានការចាប់អារម្មណ៍ពីសំណាក់ ទស្សនិកជនដែលមានការគាំទ្រទៅលើបទពិសោធន៍សម្ដែងគួរសម បើប្រៀបធៀបជាមួយនឹងកញ្ញា លន់ ដាណេ នោះកេរ្ដិ៍ឈ្មោះមិនសូវខុសគ្នាប៉ុន្មានឡើយ ។
ដោយសារសម្រស់ស្រស់ស្អាតនិងមានភាពស្និទ្ធស្នាលជាមួយមេក្រុមនោះ កញ្ញា គង់ ចាន់ស៊ីណា កាន់តែមានឈ្មោះល្បីលើវិថីសិល្បៈ បើទោះបីជាជីវិតសិល្បៈរបស់នាងទើបតែចាប់ផ្ដើមដោយប្រើរយៈពេលខ្លីក៏ដោយ។ ក្រៅពីមានឈ្មោះហើយនាងលាភ បានតុបតែងខ្លួនប្រើស្ទីលប្លែកៗក្នុងន័យសិល្បៈដូចជា សាក់រូបមេអំបៅនៅលើដើមទ្រូង ផ្នែកខាងឆ្វេងដែលការសាក់រូបប្រភេទនេះនឹងបង្ហាញជាចំហរផងនោះ ត្រូវបាននាងលាភ អះអាងថា គឺជាស្ទីលសិល្បៈ របស់នាងប៉ុណ្ណោះមិនមែនប្រើអាគមអូមអាមអ្វីឡើយ។ មួយរយៈនេះ នាងលាភ តែងតែបណ្ដើរគ្នាជាមួយនឹងមេក្រុម ចូលរួមកម្មវិធីសិល្បៈផ្សេងៗ ក៏ដូចជាទៅថតកម្មវិធីសម្ដែងតន្ដ្រីស្រុកស្រែ និងថតរឿងកំប្លែងចុងសបា្ដហ៍ទៀផង។
តួយ៉ាងដូចជាបណ្ដើរគ្នាចូលរួមពិធីមង្គលការតារាសម្ដែង ស៊ុក សុភា កាលពីចុងខែមិថុនាកន្លងទៅនេះ ហើយការបណ្ដើរគ្នារវាងតារាកំប្លែងពីរដួងនេះត្រូវបានអ្នកសិល្បៈមួយចំនួននិយាយថា មើលទៅនាយក្រឹម និង នាងលាភ បណ្ដើរគ្នាបង្ហាញភាពស្និទ្ធស្នាលដូចជាគូស្នេហ៍អញ្ចឹងពេលចូលទៅដល់ពិធីការនោះ នាយក្រឹម បានឈរថតរូបកៀកកើយជាមួយ នាងលាភ មួយឈុតសិនទើបឈានជើងចូលតុពិសារភោជនីហា។ ស្ថិតក្នុងអាយុ២៥ឆ្នាំ នាងលាភ កាន់តែមានសម្រស់ស្រស់សិចស៊ី ខុសប្លែកពីគ្រាដំបូងដែលរូបសម្រស់ របស់ មានសម្បុរស្រអែមសណ្ដែកបាយ ។ ដោយសារតែភាពស្និទ្ធស្នាលជាមួយនាយក្រឹម ទាំងក្នុងពេលសម្ដែងនិងក្រៅការសម្ដែងជាមួយគ្នានាំឱ្យមានពាក្យចចាមអារ៉ាមសង្ស័យថាអ្នកទាំងពីរជាគូស្នេហ៍និងគ្នា ។
ប៉ុន្ដែ នាងលាភ បាន បដិសេធថា មិនមែនជាការពិតទេ ធម្មតាអ្នកសិល្បៈឲ្យតែសម្ដែងជាមួយគ្នា នៅជិតគ្នា ដូច្នេះហើយគេចេះតែថា អញ្ចេះ អញ្ចុះ ជារឿងរបស់គេសំខាន់ខ្ញុំនិងពូក្រឹមគ្រាន់តែជាមេនិងកូនចៅប៉ុណ្ណោះ ។ កញ្ញា គង់ ចាន់ស៊ីណា មានប្រភពចេញពីទឹកដីរបស់នាងកង្រី ខណៈដែលនាងកំពុងធ្វើពិធីការិនីក្នុងកម្មវិធីមួយហើយ ត្រូវបាននាយក្រឹមយកមកបណ្ដុះបណ្ដាលក្នុងក្រុម។ លុះពេលយូរៗទៅ នាងលាភ កាន់តែមានបទពិសោធន៍ និងទេពកោសល្យសម្ដែងកំប្លែងក៏បានក្លាយទៅតារា កំប្លែងប្រចាំប៉ុស្ដិ៍ទូរទស្សន៍បាយ័នរហូតមកដល់សព្វថ្ងៃនេះតែម្ដង៕ ដោយប្រុសធី
No comments:
Post a Comment